Bismillahirrahmanirrahim
✦ Hadith: Qabro ko pukhta karna , us par likhna aur us par baithna aur us par chalna mana hai
✦ Abu Huraira radi allahu anhu se rivayat hai ki Rasool-Allah SallallahuAlaihi Wasallam ne farmaya agar koi Ek Angaare par baithe aur uske kapde jal jaye aur uski khaal tak pahunche ye behatar hai, us se ki Wo Qabr par baithe.
Sahih Muslim, Vol 2, 2248
✦ Jabir Radi allahu anhu se Rivayat hai ki Rasool-Allah SallallahuAlaihi Wasallam ne Qabro ko pukhta karne, aur us par baithne aur us par imaarat (building) banane se mana farmaya hai
Sahih Muslim, Vol 2, 2245
✦ Abu Marthad al-Ghanawi radi allahhu anhu se rivayat hai ki Rasool-Allah SallallahuAlaihi Wasallam ne farmaya Qabro par na baitho
aur na unki taraf namaz padho.
Sahih Muslim, Vol 2, 2251
Abu Al-Hayyaj Radi Allahu Anhu se rivayat hai ki hazrat Ali Radi Allahu Anhu ne unse farmaya ki main tumko us kaam par rawana na karu jis par Rasoollallah Sallallahu Alaihi Wasallam ne mujho rawana kiya tha ki kisi bhi unchi Qabr ko zameen ke barabar kiye bagair na chhodhna aur kisi bhi ghar mein kisi bhi tasweer ko mitaye bagair na chodhna
Sunan Nasaii, Vol 1, 2035-Sahih
Hazrat Ali Radi Allahu Anhu ne Abu Al-Hayyaj Al-Asadi Radi Allahu Anhu se farmaya main tumko us kaam ke liye bhej raha hu jis kaam ke liye Rasoollallah Sallallahu Alaihi Wasallam ne mujhe bheja tha ki tum kisi bhi unchi Qabr ko zameen e barabar kiye bagair na chodhna aur kisi bhi tasweer ko mitaye bagair na chodhna
Jamia Tirmidhi, Vol 1, 1037-Sahih
Jabir Radi Allahu Anhu se rivayat hai ki Rasoollallah Sallallahu Alaihi Wasallam ne Qabro ko pukhta karne aur us par likhne aur us par tameer karne aur us par chalne se mana farmaya hai
Jamia Tirmidhi, Vol 1, 1040-Sahih
Jabir Radi Allahu Anhu se rivayat hai ki Rasoollallah Sallallahu Alaihi Wasallam ne Qabro ko pukhta karne , us par tameer karne aur us par baithne se mana farmaya hai
Sunan Nasaii, Vol 1 , 2032-Sahih
------------------
✦ Whats App par Roman / Urdu / Hindi mein Quran Hadith ke messages hasil karne ke liye
inmein se kisi ek no. par 1 send kijiye
0096550289051 / 0096599087938
No comments:
Post a Comment